हार्दिक धन्यवाद तथा आभार!
सम्पूर्णमा ल्हासो फ्याफुल्ला
तामाङ सोसाइटी अफ अमेरिकाको १२औं अधिवेशन, १६ मार्च २०२५, सफलतापूर्वक सम्पन्न भएको अवसरमा, म र मेरो टिमलाई अमूल्य मत दिई विश्वास गर्नुभएकोमा सम्पूर्णमा हृदयदेखि नै धन्यवाद व्यक्त गर्न चाहन्छौं । तपाईंहरूको यो भरोसालाई आत्मसात गर्दै, संस्थालाई अझ मजबुत बनाउन हामी अघि बढ्नेछौं। तपाईंहरूको सल्लाह, सुझाव, र सहयोग निरन्तर रहनेछ भन्नेमा हामी ढुक्क छौं !
यस ऐतिहासिक अधिवेशनलाई सभ्य, भव्य, र शान्तिपूर्ण रूपमा सम्पन्न गराउनु हुने प्रमुख निर्वाचन आयुक्त बी.आर. लामा, निर्वाचन आयुक्त सानुमाया तामाङ, राजु ब्लोन, स्वयंसेवक सजुन थोकर तथा सम्पूर्ण स्वयंसेवकहरू, पत्रकार साथीहरू एंव हामी सबैलाई मोलम पाठ गरी आशिर्बाद दिनु हुने लामागुरू डुङ्जिन रिन्पोछे लगायत सबैमा हार्दिक आभार व्यक्त गर्दछौं!
त्यसैगरी, समुदायलाई जीवन्त बनाउन महत्त्वपूर्ण भूमिका खेल्नु भएका मेरा प्रतिस्पर्धी शम्मशेर योन्जन, र उहाँको टिमलाई पनि विशेष धन्यवाद ज्ञापन गर्न चाहन्छौं!
यस निर्वाचन प्रक्रियामा भएको प्रतिस्पर्धा संस्थाको बृहत्तर हितका लागि थियो। यसले गर्दा ६७० जनालाई एउटै ठाउँमा ल्याउन सफल भयौं। यहाँ व्यक्तिगत जित वा हारको विषय होइन, संस्थाको समृद्धि र एकताको विषय हो। तसर्थ, हामी सबै तामाङ समुदाय मिलेर एकजुट हुनुपर्छ। हाम्रो साझा लक्ष्य तामाङ समाजको उन्नति, एकता, र उज्ज्वल भविष्य सुनिश्चित गर्नु हो। त्यसैले, हामी सबैलाई संस्थाको सुदृढीकरणका लागि हातेमालो गर्न हार्दिक अपिल गर्दछौं!
यस अधिवेशनलाई सफल बनाउन अहोरात्र खटिनु हुने निवर्तमान अध्यक्ष बुद्धिमान तामाङ, वरिष्ठ उपाध्यक्ष चिना लामा, कार्यसमितिका सबै सदस्यहरू, पूर्व अध्यक्ष तथा सल्लाहकारहरू प्रति हार्दिक नमन व्यक्त गर्दछु।
त्यसैगरी, तामाङ सोसाइटी अफ नर्थ अमेरिकाका अध्यक्ष मोहन वाईवा, मामा भान्जा समूहका वरिष्ठ प्रवक्ता जोन लामा, महासचिव भीम तामाङ, पुष्कर तामाङ तथा उहाँहरूको टिम, म्हेन्दो माया परिवारका अध्यक्ष टेकमान तामाङ, वरिष्ठ उपाध्यक्ष एलान तामाङ र टिम, दोलखा समाजका अध्यक्ष भोजराज थोकर, तामाङ सांस्कृतिक बौद्ध केन्द्रका सदस्य सचिव रोज घिसिङ, सदस्य सुनिता घिसिङ, सामाजिक अभियन्ता अक्कल बहादुर तामाङ तथा विभिन्न संघ-संस्थाका प्रतिनिधिहरू, देश-विदेशमा रहनु भएका वरिष्ठ व्यक्तित्वहरूमा म र मेरो टिमको तर्फबाट हार्दिक धन्यवाद व्यक्त गर्दछौं!
थुजेछे
तुल बहादुर तामाङ
अध्यक्ष
तामाङ सोसाइटी अफ अमेरिका